Portada Plástiques Abre la expo “Pensái qu’esto asocedió. Llecciones del Holocaustu”

Abre la expo “Pensái qu’esto asocedió. Llecciones del Holocaustu”

by redacción asturnews

El Centru de Cultura Antiguu Institutu, va acoyer nel so Patiu, dende esti miércoles 10 de xineru al 10 de febreru la exposición “Pensái qu’esto asocedió. Llecciones del Holocaustu”, qu’entama Grupu Eleuterio Quintanilla, xunta’l Centru del Profesoráu y Recursos de Xixón (CPR) y MUSOC 2018.

Acontecimientu central del sieglu XX, l’Holocaustu, sujustificación, preparación y execución, zarra llecciones que ye imprescindible acometer. El proyectu de lliquidación física de millones de persones, principalmente xudíes, incluyía’l silenciamiento y destrucción de too rastru del crime. El deber de memoria camúdase asina nun imperativu de conocencia, vixilancia y resistencia.

La esposición inaugurarase esti miércoles 10 a les 18.00 hores, y van articulase en redol a ella trés actividaes más: el vienres 12 a les 19, nel salón d’actos de la Biblioteca Xovellanos (C/Xovellanos, 25), una conferencia de Manuel Reyes Mate col títulu «Algame políticu del deber de memoria»; el llunes15 a les 19.00 h, nel salón d’actos del CCAI, proyección de la película La profesora d’Hestoria; y el miércoles 17, a les 18.00 h, tamién enel CCAI, visita empuesta siguida de la presentación de la Guía de Recursos para l’estudiu del Holocaustu.

Ufiértense actividaes para centros escolares al traviés del departamentu d’Educación de la FMCEyUP. Más información.

Tamién te podria gustar