ConceyosPlástiques El Palaciu de Valdecarzana acueye la esposición “La saga Favila” hasta’l 31 d’agostu by redacción asturnews 10 d'agostu, 2020 written by redacción asturnews 10 d'agostu, 2020 1,4K El míticu Favila axunta a los sos fíos Favila y María González n’una amuesa conxunta que va poer vese nel Palaciu de Valdecarzana hasta’l 31 d’agostu. Unu de lospintores asturianos más importantes del momentu y los sos fíos comparten amuesa pero esiben los sos estilos bien estremaos. El Palaciu de Valdecarzana acueye hasta’l 31 d’agostu la esposición La saga Favila, obra colectiva de los artistes asturianos Amáu González Hevia, Favila y los sos fíos Favila González Gómez y María González Gómez. Va Poder visitase de llunes a vienres y de 11 a 14 hores y de 18 a 21 hores. Favila ta consideráu como unu de los pintores más importantes del momentu y na esposición onde tamién hai obres de los sos fíos conflúin los trés artistes sosprendiendo al espectador con estilos bien estremaos, na que cada autor manifiesta una mirada propia y personal para espresar pulsiones que llaten de manera distinta a la d’enfrentase al llenzu. La saga Favila refierse a una familia asturiana d’artistes con una fonda pasión pola pintura, la escultura y el grabáu. La dinastía empecipiar con Amáu González Fernández, escultor d’oficiu, quien destacó tamién nel campu de la pintura, y que foi’l padre d’Amáu González Hevia, conocíu artísticamente como Favila, de la mesma padre de Favila y María González Gómez, mozos artistes que yá tán conquistando’l so espaciu nel mundu del arte como van poder contemplar los visitantes que s’averen al Palaciu Valdecarzana. Trescaláu d’una enorme bonhomía, con obra partida por distintos llugares del territoriu español, pola so estraordinaria maestría colos pinceles y el so dominiu de la escena y el color, güei Favila ta consideráu unu de los pintores más influyentes na hestoria recién del arte n’Asturies, de la que yá forma parte. Y la hestoria repitese con Favila y María, los fíos d’Amado, herederos de la so pasión pol color y la forma, quien en graduándose en Belles Artes, siguen la tradición creativa. 0 FacebookTwitterPinterestEmail Anterior Primes Hermanes train pop esti domingu a Cimavilla siguiente L’área de Seguridá Ciudadana d’Uviéu pon en marcha la Policía Turística Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles