“Uviéu escribe” cita colos nuesos escritores el primer xueves de mes

“Uviéu escribe” cita colos nuesos escritores el primer xueves de mes
09 setiembre 09:08 2021 Imprimir

“Uviéu escribe” ye la cita colos nuesos escritores que se propón pal primer xueves de cada mes, con un programa, que se va llevar a cabu na Escuela Municipal de música, a les 19.30 hores, ey qu’mpecipia esti 9 de setiembre, con Nachu del Valle, qu’acaba de ganar el Premiu Atenéu de Sevilla.

Uviéu va tener una cita fixa coles lletres cada primer xueves del mes. Conferencies con autores uvieinos, veteranos y noveles, que n’ocasiones tán teniendo más repercusión fora d’Asturies que na so propia tierra.

El presidente de la Fundación Municipal de Cultura, el conceyal José Luis Costillas presentó la selmana pasada, nel salón de plenos, el proyectu “Uviéu escribe”, acompañáu pol so director, l’escritor y abogáu, Iván de Santiago.

El programa empecipia esti xueves 9 de setiembre con Nachu del Valle, qu’acaba de ganar el Premiu Atenéu de Sevilla. “Dempués va asocede-y, n’ochobre, la escritora Leticia Sánchez, l’autora que moza probablemente más vendida y lleida na actualidá. Tamién va haber espaciu pa la poesía, pal asturianu, pa xéneros como la novela negra y pa clásicos de les lletres uvieines.

  Categories: