La sueca “The Square”, Goya 2018 a la meyor película europea, aporta al Cine de los Martes

06 febreru 10:36 2018 Imprimir

La película The Square, dirixida por Ruben Östlund, recién ganadora del Goya 2018 a la Meyor Película Europea, ye’l próximu títulu que se va proyectar na Casa Municipal de Cultura, dientro de la programación del nuevu ciclu del Cine de Los Martes.

Empobinada por Ruben Östlund, ye una sorprendente comedia sarcástica sobro una instalación artística que xenera desconciertu y malestar ente’l públicu. Foi la cinta ganadora de la Palma d’Oru na última edición del Festival de Cine de Cannes. La proyección va ser en versión orixinal, a les 20:15 hores na Casa Municipal de Cultura, con entraes a 3 euros y subtítulos en castellán. Un total de 6 títulos dan forma a esta programación del Cine de los Martes, na que se va estrenar un nuevu proyeutor que garantiza la proyección nos distintos formatos cinematográficos.

Tratase d’un equipu del modelo Barcu DP2K-10S, suministráu pola empresa Cinetrónica S.L, que resultó axudicataria del correspondiente contratu por un importe de 64.130 euros. Ye un proyeutor d’altu resolvimientu (2K), forníu con una llámpara de 2.200w con una duración garantizada de 1.500 hores.

L’equipu ye capaz d’arrincar en menos de 2 segundos y cuenta con unes dimensiones amenorgaes (63x93x33) que faciliten la so movilidá ya instalación n’otra cortil cultural municipal como’l Teatru Palacio Valdés yá que cunta con una óptica compatible con dambos espacios.

Les entraes pa caúna de les proyecciones -que van ser en versión orixinal subtitulada en castellán naquelles rodaes n’otres llingües- tienen un preciu únicu de 3 euros. Van Poder adquirise na taquilla de la Casa Municipal de Cultura, n’horariu de llunes a vienres, de 11:00 a 14:00 y de 18:00 a 21:00 hores, y los sábados, de 11:00 a 14:00 hores.

El calendariu de proyeccionesd’esti es  (toes van tener llugar a les 20:15 hores) ye’l siguiente:

Martes 6 de febreru. The Square (Suecia, 2017)
Martes 20 de febreru. Alanis (Arxentina, 2017)
Martes 27 de febreru. Pokot (El rastru) (Polonia, 2017)

Mientres los distintos ciclos d’El Cine de los Martes desenvueltos mientres 2017 vendiéronse un total de 5.061 entraes, lo que refundia una media de 181 espectadores por caúna de les películes proxectaes, tanto na programación regular como nos distintos pases estraordinarios llevaos a cabu por cuenta d’actividaes concretes, como L’Antroxu de Los Llocos.

Ver Programación detallada

  Categories: