Portada Conceyos Presentaes 4 candidatures a Reyes del Goxu y la Faba del Antroxu d’Avilés 2019

Presentaes 4 candidatures a Reyes del Goxu y la Faba del Antroxu d’Avilés 2019

by redacción asturnews

Un total de 4 candidatures presentáronse a Reyes del Goxu y la Faba del Antroxu d’Avilés 2019. Son les de les peñes “Les Culebruques”, “Jarra y Sedal”, “Una y pa Casa” y Sonia Miranda a títulu individual.

Ente’l 15 y el 30 d’ochobre abrirán alderiques públicos nos que cada unu de los candidatos va defender les sos propuestes, depués de que’l 30 de setiembre rematara’l plazu de presentación de candidatures pa optar a la elección de los Reis del Goxu y la Faba del Antroxu 2019.

Nesta ocasión, son 4 les candidatures aspirantes: trés presentaes por peñes o grupos que davezu participen nel Antroxu y xuna cuarta presentada a títulu individual.

1.Peña “Les Culebruques”, habituales participantes nel Descensu de Galiana, proponen convertir a Avilés en Ríu de Janeiro mientres el Antroxu, celebrándolo al son de la samba y a golpe de batucada. Quieren qu’Avilés sía Brasil nesos díes.

2.Peña “Jarra y Sedal”, creada’l pasáu añu pa participar nel Descensu de Galiana, preséntense anguaño dispuestos a reinar nel Antroxu cola tema: La Música Antroxada ¡¡ Suena l’Antroxu!!. Nesta fiesta quieren que se dean cita distintes estilos musicales, pero rellacionaos cola so dómina, aprovechando para antroxarse. Asina nes cais d’Avilés, Fredy Mercury coincidiría colos personaxes de La Movida, o músicos clásicos como Bethoven baillaríen colos componentes de AC-DC.

3.Peña “Xuna y pa Casa”, compuesta por unes venti persones d’ente 3 y 70 años, son tamién asiduos del Antroxu y participaron en toles sos actividaes: Descensu, desfiles, Ginkana…. Quieren reinar anguaño, convirtiendo Avilés nun xigantescu Cómic, inspirándose nel Celsius 232 y el mesmu festival, dos acontecimientos culturales bien señalaos n’Avilés.

4.Sonia Miranda, vecina del Carbayedo, propón como tema “Los llocos años venti”. Quier afitar el so reináu convirtiendo’l so suañu en realidá: ver poles cais d’Avilés  a Al Capone o a Dick Tracy, sonando de fondu tarrezas musicales como “Si’l to vois ma mére” de Sidney Bechet, “If I had you” de Benny Goodman o “Take the A train” de Duke Ellington.

Ente’l 15 y el 30 d’ochobre abrirán alderiques públicos nos que cada unu de los candidatos va defender les sos propuestes. Rematada la fase d’alderiques públicos, va abrir ente’l 1 y el 15 de payares, el periodu electoral. Les votaciones van realizase de la siguiente manera:

-Al traviés d’Internet

-Votu presencial nuna urna allugada na Oficina de Turismu

El valor de les votaciones, establecer según el siguiente criteriu: el votu popular va equivalir a un 1/3 del total, correspondiendo los 2/3 restantes a la Xunta de Reyes del Goxu y a la Organización, a partes iguales.

El 30 de payares va dase a conocer la candidatura ganadora del procesu y la tema monográfica sobro’l que va tratar el Antroxu.

Tamién te podria gustar