La película alemana “Toni Erdman” inauguró’l nuevu trimestre del Cine de los Martes” d’Avilés

El ciclu “El Cine de los Martes” sigue mientres los meses d’abril, mayu y xunu con una nueva programación. Esti martes, a les 20:15 hores na Casa Municipal de Cultura, pudo vese la película alemana “Toni Erdman” qu’abre’l programa.

La programación de “El Cine de los Martes” pa esti segundu trimestre inclúi’l preestrenu nacional de la cinta “Rosalie Blum” gracies a Surtsey Films, que se va proxectar esti xueves 6 d’abril. Ye una comedia francesa que llega a Avilés unos díes antes del so estrenu comercial n’España.

La selección de les 10 películes del nuevu ciclu, de diverses nacionalidaes y reconocíes en festivales en tol mundu, corrió al cargu de Jorge Iván Argiz, programador del ciclu. Les entraes pa caúna de les proyecciones -que van ser en versión orixinal subtitulada en castellán- tienen un preciu únicu de 3 euros. Van Poder adquirise na taquilla de la Casa Municipal de Cultura, n’horariu de llunes a vienres, de 11:00 a 14:00 y de 18:00 a 21:00 hores, y los sábados, de 11:00 a 14:00 hores.

Ver calendariu completu