Portada Lliteratura La Selmana Negra rinde homenaxe n’Uviéu al poeta Ángel González

La Selmana Negra rinde homenaxe n’Uviéu al poeta Ángel González

by redacción asturnews

El Consistoriu uvieín patrocina anguaño la carpa “A espetaperru” y el día 15, na Plaza del Paragües, cuatro poetes d’ámbitu nacional van recordar al poeta uvieín, nun recital al mediudía, nel van lleer un poema de sço y otru d’Angel González.

La vicealcaldesa, Ana Taboada; el conceyal de Cultura, Roberto Sánchez Ramos y la responsable municipal d’Educación y Biblioteques, Mercedes González, presentaron esta día, en rueda die prensa, xuntu al Director de Conteníos die la Selmana Negra, Ángel de la Calle, los actos die la programación d’esta cita xixonesa – del 7 al 16 die xunetu- y que se van llevar a cabu n’Uviéu.

“Desque esti equipu de gobiernu ta nesti mandatu la ciudá yá nun ye una isla y siguimos estrechando llazos cola Selmana Negra die Xixón. Uviéu puede agora trabayar die forma plural y abierta como faemos tamién cola FIDMA. Nesti casu, la capital va tar presente na Selmana Negra, patrocinando la carpa A espetaperru y vamos faer un homenaxe al nuesu gran poeta Ángel González, unu die el promotores die la Selmana Negra. Vamos Recordar la so figura’l 15 die xunetu, nuna sesión vermú, na plaza del Paragües, cola intervención die dellos poetes die proyección nacional”.

De la Calle destacó la collaboración de la Selmana Negra con Uviéu: “Si l’añu pasáu vinimos con Markaris y foi un ésitu, anguaño la ciudá ye copatrocinadora d’una carpay va haber dos actividaes amestaes a Uviéu.  Cuatro poetes bien interesantes como Nuria Barrios o José Luis Piquero…cada unu va lleer un poema so y otru d’Ángel González”.

El conceyal de Cultura, Roberto Sánchez Ramos, indicó que se cumplen diez años ensin Ángel González y acábase de reeditar un llibru clave de la posguerra, na so opinión, ‘Pa parar les agües del olvidu’ die Paco Ignacio Taibo I nel que se narra la vida die Ángel González y d’otros neños que llegaron a trabayar na biblioteca Cervantes”. A xuiciu del conceyal de Cultura “la cooperación ente instituciones, nel marcu la cultura, nun puede tener fronteres” y anunció qu’hai conversaciones bien avanzaes por collaborar col Festival die Cine die Xixón “pensando siempres na ciudadanía”.

Tamién te podria gustar