Portada Lliteratura ‘Xeira’ va entregar el ‘XVI Premio de narracióis curtias’ a Aurora Bermudez Nava

‘Xeira’ va entregar el ‘XVI Premio de narracióis curtias’ a Aurora Bermudez Nava

by asturnet

Redacción.

L’Asociación cultural Xeira, que trabaya la conservación y promoción del eonaviegu, falló esta selmana’l ‘XVI Premio de narracióis curtias’ y la ganadora foi Aurora Bermúdez Nava, d’A Caridá, col rellatu tituláu «Tempo de dolor». L’actu d’entrega va ser el sábadu 9 de xunu, a les nueve la nueche, nel auditoriu de la Casa da Cultura d’El Franco.

La primera parte de la nueceh va tar dedicada a la entrega del premiu, pero como ye vezu nesti actu añal de Xeira, va brindase al públicu la posibilidá de participar n’actividaes culturales cola llingua del Navia-Eo como vahículu. Esta vegada, van ser el teatru y la música, con Javier del Dios, actor del grupu de teatru d’A Caridá, que va ufiertar un monólogu humorísticu. Pa pesllar l’actu va tocar el curtetu musical Mezá, de
Bual, un grupu folk con componentes mui mozs que yá debutó participando na Amuesa de Folclore “Ciudá d’Uvieu” y que ye toa una promesa dientro del panorama musical del occidente asturianu.

El premiu de Xeira ye yá un clásicu nel panorama lliterariu asturianu y vienen ganándolu escritores como Mª Jose Fraga Suárez, Aurora Rivas o Xaviel Vilareyo. El xuráu taba conformáu nesta ocasión por Manuel Galano, Rafael Cascudo, Alfredo González y Jose M. Castro, actuando María Jose Fraga de secretaria.

Páxina web oficial de Xeira

Tamién te podria gustar