“Suaños na mar”, un ésitu na Selmana de les Lletres Asturianes

13 mayu 08:50 2008 Imprimir

El Colexu Públicu Laviada celebró’l pasáu miércoles un actu nel Centru Municipal Integráu de Xixón-Sur pa celebrar la XXIX Selmana de les Lletres Asturianes. La esbilla de poemes recitaos, emocionó a más d’ ún; como respigó l’homenaxe a Nacho Fonseca col que se fizo reconocimientu al llabor que vien desendolcando dende va cuasi tres décades en favor de la nuesa llingua.

L’actu pesllóse con un musical nel que participaron los más de 150 neños matriculaos en llingua asturiana nel colexu. Beatriz, Maria Xesús y Remis, maestros qu’ellaboraron los testos y organizaron l’actu, comentaron a Asturnews “l’éstiu de la iniciativa”, que “enllenó los dos díes que se celebró l’aforu completu del salón d’actos del Centru Municipal”. L’equipu de llingua asturiana del Laviada muéstrase “con ganes de seguir trabayando nesti sen”.

  Categories:
Loading Facebook Comments ...