“Los amorinos de Bastián y Bastiana” lleguen a La Pola L.lena

06 mayu 08:50 2011 Imprimir

El pasáu 28 d’abril estrenábase nel Teatru Prendes de Candás “Los amorinos de Bastián y Bastiana”. La obra, una ópera de Mozart, adaptóse al públicu infantil y fízose n’asturianu, per parte de la compañía profesional de teatru Producciones Nun Tris. Esti vienres, 6 de mayu, nel Vital Aza de La Pola L.lena va producise’l próximu pase de la obra.

La función ta dientro de les actividaes programaes na Axenda Didáctica del Serviciu de Política Llingüística.

”Los amorinos…” ta adaptada y dirixida por Antón Caamaño, y nella participen Vanessa del Riego, como Bastiana; Pablo Romero, como Bastián y Antón Caamaño, como Colás. Al pianu va tar Manuel Burgueras y al cargu de la escenografía, Pablo Maojo. Amás, como ayudante de direción participa na obra Inma Rodríguez.

  Categories:
Loading Facebook Comments ...